ColourLovers! أفضل طريقة لأختيار ألوان متناسقة

COLOURlovers is a creative community where people from around the world create and share colors, palettes and patterns, discuss the latest trends and explore colorful articles…

ده هو الشرح المكتوب أول ما تدخل الموقع الموقع ببساطه بيعتمد على مشاركة الأعضاء  البيعملوا بليتات ألوان متناسقة مع بعض ,, منها ألوان ساعات بتكون مجنونة وجديدة وفى باليتات بتكون هادية وفى قمة التناسق زى ديه مثلا

وفى غيرها كتير مميزين انا بس أخترت ديه كمثال

بجانب البلتات فى مجموعة كبيرة جدا من الباترن Patterns من تصميم الأعضاء كمان والباترن بالذات فيها حاجات مميزة جدا مثلا خلفيه البلوج ديه من هناك بس انا عملت ليها Invert عشان تبقى غامقة 😀

فى ناس بتقول عليها باترينات عموما مختلفناش أصلا مش عارف ليهم ترجمة بالفصحى 😀

ده الباترن او الباترينة المستخدمة فى خلفيه البلوج طبعا الألوان الحقيقة أحلى كتير

مصممين كتير بيبقوا محبوسين جوا سجن من ألوان هما بيحبوها فا عادتاً مش بيستخدموا غيرها عشان شايفين الباقى وحش ,, المشكله ديه عادتا بتكون عند المصممين المبتدئين أو حد مش شغلته مصمم أصلا وبيكون مغصوب أنه يصمم ,, زى مثلا :p

فا الموقع ده بيقدملك حلول كتيرة للألوان ممكن تضيف أنت عليها من دماغك أو بس تمشى بيها ,,

والله الموفق والمستعان 😀

تعديل : كنت نسيت أكتب لينك الموقع عموما اللينك اهه
http://www.colourlovers.com

Leave a Reply

Your email address will not be published. Required fields are marked *