إتحاد كورة ولا بلاليص؟

هل تعلم ,, اللاعب الأورجويانى ديجو فورلان لن يستطيع اللعب فى دور المجموعات من دورى الأبطال الأوروبى بسبب مشاركته مع إتلتيكو مدريد فى مباراة مع سترومسجودست فى  الأدوار التأهلية للدورى الأوروبى ,, نعم الدورى الأوروبى ,, يعنى ياريتها نفس البطولة حتى!

ببساطة القوانين فى أوروبا تقضى ان لو لاعب شارك مع فريق فى بطولة وأنتقل لفريق أخر يشارك فى بطولة أوروبية لن يستطيع اللعب إلا بعد فترة الأنتقالات الثانية ,, مثلا فورلان لن يستطيع اللعب مع أنتر فى دورى الأبطال إلا بعد شهر يناير

شايف أزاى الناس مركزة؟! بالرغم أنه شارك فى بطولة تانيه خالص وفى دور تانى خالص!!

تبتدى الموسيقى التصورية الهزلية……

السيد حمدى لاعب الأهلى الجديد شارك مع الأهلى أمام كيما أسوان وأحرز هدف جميل فى دور ال32 من كأس مصر ,,

بس الغريب ان برضه السيد حمدى جاب جون جميل فى طنطا فى دور ال32 من الدورى لما كان مع بتروجيت قبل ما ينتقل للأهلى ,,

أظن لازم نطالب ان سيد حمدى يدخل موسوعة جينس ,, كأول لاعب يشارك مع فرقيين مختلفين فى نفس البطولة ونفس الدور كمان وكمان يجيب جون فى كل ماتش!

الموقف ده فكرنى زمان بماتش المنتخب العربى ومنتخب فلسطين ,, لما بين الشوطين حسام حسن غير التيشرت ولعب لمنتخب فلسطين xD

تخيلوا مثلا لو مرتضى منصور كان رئيس نادى كيما أسوان ,, كان أيه هيحصل؟!

عمار يا مصر ,, منورين يا إتحاد البلاليص 😉

Leave a Reply

Your email address will not be published. Required fields are marked *